Гуравдугаар эмнэлгийнхэн нано цэвэршүүлэгч төхөөрөмжтэй болжээ

2015 оны 06 сарын 02

“Ротари” олон улсын байгууллага (Японы 2790, 2640 бүс, Хонгконг, Макао, Монгол Улсын 3450 бүсийн Ротари клуб) халдварт өвчнөөс урьдчилан сэргийлэх зорилгоор “Global Grant” буюу “Даяаршлын тусламж” төсөл хэрэгжүүлж буй. Энэ хүрээнд тэд Улсын гуравдугаар төв эмнэлгийнхэнд 72000 ам.долларын өртөг бүхий нано технологитой RO ус цэвэршүүлэгч төхөөрөмж хандивлажээ. Эмнэлгийн байгууллагуудын эрүүл ахуйн орчин, тусламж, үйлчилгээний аюулгүй байдалд зайлшгүй шаардлагатай тус төхөөрөмж нь усаар дамжих халдварт өвчин, вирусын халдвараас сэргийлэх, ариутгах юм. Гуравдугаар эмнэлэг нь зүрх судас, тархи, мэдрэлийн мэс засал зэрэг нарийн түвэгтэй хагалгааг ариутгал халдваргүйтгэлийн өндөр түвшинд хийдэг тул энэ төхөөрөмж ихээхэн ач тус өгөх аж.

Нано цэвэршүүлэгч төхөөрөмжийг Японы мэргэжлийн инженерүүд суурилуулсан бол тус эмнэлгийн тоног төхөөрөмж хариуцсан инженерүүдэд “Халдварт өвчнөөс урьдчилан сэргийлэх нь“ сэдэвт сургалтад хамрагджээ. 

АНХААРУУЛГА:
Та сэтгэгдэл үлдээхдээ ёс бус хэллэг үл ашиглан сайтын хэрэглэгчийг хүндлэн соёлтой оролцоно уу! Зочдын сэтгэгдэлд Mongolnews.mn сайт ямар нэгэн хариуцлага хүлээхгүй болохыг анхаарна уу.
СЭТГЭГДЛҮҮД

О.Бат-Ундрах

Овог нэр: Оюунбилэгийн Бат-Ундрах Төгссөн сургууль: МУИС-МХСС-утга зохиолын ажилтан, сэтгүүлч Шагнал: "Балдорж" сангийн 1.000.000 шагнал нэг удаа, Хэвлэлийн хүрээлэн, Байгаль орчны шилдэг бүтээлийн уралдаанд "Худагтай хорооллууд олширлоо, яах вэ" нийтлэлээрээ тэргүүлсэн (2014) 2012 оны дөрөвдүгээр сараас "Өнөөдөр" сонины ЭЗБМА, НШМА