АНИАДАА ОЛОН АЛИМ ӨГӨХГҮЙ ГЭСЭЭР БАЙГААД ТООЛЖ СУРСАН АНИР

2015 оны 05 сарын 29

“Ээж нь охиндоо нар, дэлхийгээс том хайртай” гэхээр “Би тэгвэл танд манжингаас том хайртай” гэж хэлээд элэг авдаг юм, миний охин. Аав, ээж нь туулай жилтэй болохоор өвөө нь “Хоёр туулайнаас “төрсөн” Бүжин гэж нэрлэнэ” гэж хэсэг зүтгэсэн. Харин бид охиноо нэр шигээ амар амгалан, А үсэг шиг юм бүхний эхэнд байгаасай гэсэндээ Анир гэж нэрлэсэн юм. Гэхдээ насан өндөр өвөөгийнх нь хүслийг биелүүлж, Бүжин гэж өхөөрддөг. Бүжинхэн маханд нугасгүй.

Ямар сайндаа л цэцэрлэгийн багш нь “Анир өөрийнхөө хоолны махыг түүж идчихээд хажууд нь сууж байсан Энхжингийнхийг бас идчихсэн” гэж хэлээд нүүрийг минь “түлсэн”. Нийслэлийн Сонгинохайрхан дүүргийн 92 дугаар цэцэрлэгт явдаг Бүжинхэн ирэх намар ахлах бүлэгт орно. Дуулж, шүлэглэхдээ маруухан ч зурж, бичихдээ ангийнхныгаа дагуулахгүй “онц” сурлагатан. Нэрээ бичнэ, долоон эгшиг, нэлээд хэдэн гийгүүлэгч таньж, холбон уншиж чадна.

“Надад найман алим байна. Номио аниад нь тавыг өгвөл хэд үлдэх вэ” гэж асуухаар “Үгүй ээ, Номио аниад тийм олон алим өгөхгүй” гэж уйлсаар 10-ын дотор нэмж, хасаж сурсан. Анир “Миний happy birthday to you удахгүй болно. Тийм ээ, ээж ээ” гээд л төрсөн өдрөө хуруу даран хүлээж байгаа. Долдугаар сарын 7-нд төрсөн юм. Хэдийгээр таван нас хүрээгүй ч хэрсүү гэж жигтэйхэн. Үргэлж л ээжийгээ халамжилна, хайрлана.

Уржигдар орсон хүйтэн борооноор над руу залган “Ээж ээ, гадаа аймаар бороо орж байна. Та хаана байна. Болгоомжтой яваарай. Бороонд норов” гэж санаа тавьснаа, “Нөгөө хайрцагтай бохио мартав аа” гээд дуртай зүйлээ захиад амжсан.

О.УНДРАХ

АНХААРУУЛГА:
Та сэтгэгдэл үлдээхдээ ёс бус хэллэг үл ашиглан сайтын хэрэглэгчийг хүндлэн соёлтой оролцоно уу! Зочдын сэтгэгдэлд Mongolnews.mn сайт ямар нэгэн хариуцлага хүлээхгүй болохыг анхаарна уу.
СЭТГЭГДЛҮҮД
122.201.22.89 odoonii huuhduud ih siireg tolgoitoi bolosn yum shig ee.minii ohin 4 nas hurch bn.odoo 35 usgee bugdiig ni medne,100 hurtel toog haraad shuudhan tanina.tugdrehgui toolno.hen ch tuund zaaj uguugui.zarim neg uchir medeh humuusees asuuhaar surguulid ortol ni yu ch bitgii zaa-odoo tsag uur bolson.meddeg yumiig ni zaagaad bhaar huhed sonirhohoo boliod esregeeree muu bdag geh yum..yah estoigoo medehee boliloo...zuvluguu uguh hun bnu...
122.201.22.89 миний бодлоор харин ч суурьтай сургуульд оруулбал хүүхэд анхнаасаа биеэ даагаад явчихдаг юм шиг ээ.
  • 2015 оны 06 сарын 02

О.Бат-Ундрах

Овог нэр: Оюунбилэгийн Бат-Ундрах Төгссөн сургууль: МУИС-МХСС-утга зохиолын ажилтан, сэтгүүлч Шагнал: "Балдорж" сангийн 1.000.000 шагнал нэг удаа, Хэвлэлийн хүрээлэн, Байгаль орчны шилдэг бүтээлийн уралдаанд "Худагтай хорооллууд олширлоо, яах вэ" нийтлэлээрээ тэргүүлсэн (2014) 2012 оны дөрөвдүгээр сараас "Өнөөдөр" сонины ЭЗБМА, НШМА