ЭЛГЭЭ ХАЙРЛАЯ

2015 оны 04 сарын 26

Манай улсад одоогийн байдлаар гепатиттай 400 мянган хүн амьдарч байна. Статистикаас үзвэл зуун мянган эрэгтэй тутмын 121, зуун мянган эмэгтэйгийн 87 нь элэгний анхдагч өмөн буюу хорт хавдраар өвчилсөн байна. Энэ нь эрэгтэйчүүдийн дундах элэгний хорт хавдар дэлхийн дунджаас зургаа, эмэгтэйчүүдийнх 13 дахин их үзүүлэлт юм.

Элэгний хорт хавдар ийн нэмэгдэж байгаа нь В, C гепатитын архаг халдвартай шууд холбоотойг мэргэжлийн эмч нар хэлж буй. Тиймээс ЭМСЯ хүн амыг гепатит өвчнөөс сэргийлэх талаар мэдлэгтэй болгох, мэдээлэл хүргэх, эмчилгээний үр дүнг олон нийтэд сурталчлах зорилгоор “Элгээ хайрлая” арга хэмжээ болов.

Эл арга хэмжээний хүрээнд ЭМСЯ, Монголын элэгний эмч нарын нийгэмлэг, “Оном” сантай хамтран, ерөнхий боловсролын сургуулийн сурагчдын дунд “Элгээ хайрлая” сэдэвт зохион бичлэг, гар зургийн уралдаан, иргэдэд энэ сэдвээр зурагт хуудас, гэрэл зургийн уралдаан, сэтгүүлч, нийтлэлч, зохиолчдын дунд нийтлэл, богино өгүүллэг, мэргэжлийн видео студи, телевизийн уран бүтээлчдэд сурталчилгааны анимейшн хийх уралдаан зарлалаа. Шагналын сан нь 10 сая төгрөг бөгөөд, уралдааны бүх бүтээлийг элгээ хайрлах арга хэмжээнд ашиглах аж.

О.УНДРАХ

АНХААРУУЛГА:
Та сэтгэгдэл үлдээхдээ ёс бус хэллэг үл ашиглан сайтын хэрэглэгчийг хүндлэн соёлтой оролцоно уу! Зочдын сэтгэгдэлд Mongolnews.mn сайт ямар нэгэн хариуцлага хүлээхгүй болохыг анхаарна уу.
СЭТГЭГДЛҮҮД

О.Бат-Ундрах

Овог нэр: Оюунбилэгийн Бат-Ундрах Төгссөн сургууль: МУИС-МХСС-утга зохиолын ажилтан, сэтгүүлч Шагнал: "Балдорж" сангийн 1.000.000 шагнал нэг удаа, Хэвлэлийн хүрээлэн, Байгаль орчны шилдэг бүтээлийн уралдаанд "Худагтай хорооллууд олширлоо, яах вэ" нийтлэлээрээ тэргүүлсэн (2014) 2012 оны дөрөвдүгээр сараас "Өнөөдөр" сонины ЭЗБМА, НШМА