Эхийн сүү орлуулагчийг хууль бусаар оруулж ирдэг байжээ

2015 оны 03 сарын 18

Хүүхдийг хоёр нас хүртэл нь эхийн сүүгээр хооллохыг ДЭМБ зөвлөдөг. Гэсэн ч эх нь нас барсан, угийн сүүгүй, төрөхийн хүндрэл зэрэг эхийн эрүүл мэндийн хүндэтгэх шалтгаанаар сүү орлуулагчийг хэрэглэхийг Эхийн сүү орлуулах бүтээгдэхүүний тухай хуулиар зөвшөөрдөг. Харин эл бүтээгдэхүүнийг олон нийтэд сурталчлахыг хатуу хориглодог.

Гэтэл сүүлийн үед сүү орлуулах төрөл бүрийн бүтээгдэхүүнийг цахим сүлжээ, олон нийтийн мэдээллийн хэрэгслээр сурталчилдаг болжээ. Үүний дагуу НМХГ-аас шалгалт хийхэд Япон улсын “Вакода” компанийн “Хай хай”, “Гүм гүм” нэртэй, “их эрсдэлтэй” ангилалд хамаарах эхийн сүү орлуулагчийг гаалийн байгууллагад мэдүүлэлгүйгээр хил, гүний мэргэжлийн хяналтаас нуун, хилээр оруулж ирж буй нь тогтоогджээ.

Тус бүтээгдэхүүнүүдийг нэр бүхий аж ахуйн нэгж, иргэд барилгын материал, гоо сайхны бараа борлуулдаг, хумсны маникюр хийдэг зэрэг газарт худалдаж байсан аж. Түүнчлэн эхийн сүү орлуулагчийн шошгон дээрх мэдээллийг япон хэлээр бичсэн, эмчийн зөвлөмж, санамж наагаагүй, чанар, аюулгүйн ямар ч баталгаагүй байжээ.

О.БАТ-УНДРАХ

АНХААРУУЛГА:
Та сэтгэгдэл үлдээхдээ ёс бус хэллэг үл ашиглан сайтын хэрэглэгчийг хүндлэн соёлтой оролцоно уу! Зочдын сэтгэгдэлд Mongolnews.mn сайт ямар нэгэн хариуцлага хүлээхгүй болохыг анхаарна уу.
СЭТГЭГДЛҮҮД

О.Бат-Ундрах

Овог нэр: Оюунбилэгийн Бат-Ундрах Төгссөн сургууль: МУИС-МХСС-утга зохиолын ажилтан, сэтгүүлч Шагнал: "Балдорж" сангийн 1.000.000 шагнал нэг удаа, Хэвлэлийн хүрээлэн, Байгаль орчны шилдэг бүтээлийн уралдаанд "Худагтай хорооллууд олширлоо, яах вэ" нийтлэлээрээ тэргүүлсэн (2014) 2012 оны дөрөвдүгээр сараас "Өнөөдөр" сонины ЭЗБМА, НШМА